什麼是英國建造業計劃？

什麼是 CIS Scheme？

如果你從事建築或裝修行業，了解「英國建造業計劃 (Construction Industry Scheme, CIS)」係至關重要。呢個計劃主要針對自僱嘅建築工人、裝修工人以及相關行業從業者，無論你係承包商、分包商，或者直接參與建築工程或維修嘅工人，CIS對你嘅工作及稅務安排都有重大影響。

誰需要申報CIS？

CIS計劃專門針對所有參與建築工程嘅人，並唔單止限於傳統嘅建築業務。無論你喺拆卸、工地清理、泥水、裝修、油漆、水電安裝、廚房及地板裝修、木工等範疇工作，呢個計劃都適用。此外，承包商 (Contractor) 及分包商 (Subcontractor) 都必須遵守CIS規則。作為承包商，如果你聘請自僱工人，就必須響CIS計劃下登記。

就業身份的考量

喺建築行業，並唔係所有工人都係自僱身份，界定一個人係自僱定受僱於某公司，取決於佢係咪享有完全嘅業務自主權，抑或要承擔風險。僱主應根據實際情況判斷工人嘅身份，並考慮相關稅務及僱傭法律嘅規定。

CIS登記流程

CIS分為承包商同分包商兩個角色。承包商必須喺HMRC登記，並為佢哋聘請嘅分包商處理稅務扣除。分包商亦需響CIS登記，確保佢哋嘅工作同收入符合HMRC嘅規定。登記嘅時候，你需要提供獨特納稅人號碼 (UTR) 及國民保險號碼 (NI)，以便承包商查閱你嘅登記情況。

稅務扣除及繳交

對於未有註冊CIS嘅工人，承包商需扣除30%嘅發票金額作稅款。而已經註冊CIS嘅分包商則只需扣除20%。承包商每月需要向HMRC提交報告，詳細列明每個分包商嘅收入及扣除金額，並負責將扣除嘅稅款提交HMRC。

稅務扣除與開支報銷

喺建築行業工作嘅工人同公司，通常可以申報「完全同業務相關」嘅開支。呢啲開支可以包括購買工具、交通費、工作服裝、工地設備等等。確保你正確申報業務開支，能夠減低你嘅稅務負擔。

CIS稅務退款

如果你喺CIS下多交咗稅，HMRC會喺你提交自我評估稅表 (Self Assessment) 之後，安排自動退款。正確申報CIS稅款嘅扣除數額非常重要，否則可能影響退款速度。

有限公司及增值稅 (VAT) 的考量

對於考慮轉為有限公司經營嘅自僱人士，CIS對公司亦有相關規定。有限公司作為承包商或分包商同樣需要響CIS計劃下登記，並需考慮增值稅 (VAT) 註冊對CIS扣稅嘅影響。

僱傭權益同稅務身份

喺建築行業，工人多數被視為自僱，呢個身份喺稅務上有其特定嘅義務，但喺僱傭權益上可能有限。要注意稅務法同僱傭法之間對身份界定嘅分別，避免產生混淆。即使你符合稅務上自僱嘅定義，亦唔代表你冇權利享有某啲僱傭福利，呢方面可以考慮尋求專業意見。

建築行業涉及嘅CIS規則相當廣泛，涵蓋唔同範疇嘅工作，例如拆卸、泥水、木工、水電、裝修等。無論你係承包商定分包商，都要確保完全符合HMRC嘅要求。對於自僱人士，正確處理CIS登記、稅務扣除、開支申報及退款流程，能夠幫助你減少不必要嘅稅務麻煩，並確保合規。如果想閱讀完整的英文說明請訪問這裡英文版的完整詳細資訊。

***聯絡我們以了解更多。

#CISScheme #建築業務 #泥水 #裝修 #油漆 #水電 #裝修 #木工 #我需要報稅嗎 #CIS #ConstructionIndustry #自僱人士 #個體戶報稅 #網上報稅 #自我評估報稅表 #公司報稅 #華文會計師 #會計稅務諮詢 #廣東話稅務諮詢 #英國會計師